| 情人節, 您生日和十一個月紀念日
從來都無認識過生日同情人節係同一日既人
今年係我同您第一年2008過您的生日同情人節
為您的情人節朱古力預備了很久
弄了四款口味, 脆脆果仁, 榛子, 雪吻和酒心
取得空前成功~同學仔們都有讚好味道
一早預備好了您的生日禮物, playboy tee和圍巾
如果您去玩實型到d姐姐走埋黎 lu~送錯野tim
還有靚靚Rose,開心嗎? 是否第一年那麼開心呢?
2月13號去唱K 和您幾個好朋友慶祝生日
也神秘地預備了蛋糕, 驚喜嗎? 也一起11個月了
Rose....Rose
巧言仔wow
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
二月十四情人節
我們搭船船入了愉景灣吃晚飯
第一次入去, 環境好浪漫好似去左外國咁
我地去Hemingway's by the Bay 食浪漫非常既燭光晚餐
沙灘上有五千支燭光為情侶提供浪漫影點
樹上佈滿了藍色閃閃燈泡, 很漂亮
頭盤有菠菜芝士焗蠔,很美味, 我們一人三隻
食食下望下錶, 八點啦, 迪士尼放煙花
我大叫完後, 好多人就望過去海邊, 三秒後, 哇~~!!
食下野睇下煙花等左一陣無聊, 原來您寫左張心意卡
預備掛上心心樹到, 一看到 : 願我倆能相依相戀.... 眼濕濕了
等呀等主菜上場了, 有 烤T骨扒配黑松露忌廉焗薯同 Fish
一上菜就食, 非常的美味, 但食到一半先記得影相, 笑
唔靚啦食到咁先影相
所以借了另一網友Blog上的相, 有番個全相
呢個黑松露焗薯伴菜, 好味到呢...食第一啖真係叫左出黎
好美味呀, 飛左上天空呀~~~~~~~~~~!!!!!!!!!
到甜品有香檸椰子芝士蛋糕和鮮果朱古力奶凍
特登買了一支一點火就有生日歌既candle
兩人慶祝多一次您的生日呢
一面食晚飯身後就有小提琴和結他三重奏伴奏, 歐陸風味濃厚
係咁浪漫既環境食燭光晚餐一杯平凡凍咖啡都顯得格外不同
這就是掛許願卡的心心,無想過您寫的東西是多麼的肉麻
食飽飽後落沙灘散步同影相
溫馨浪漫
浪漫背後就係我成鞋都係沙呀~
愉景灣也送了少少紀念品給情侶
一支玫瑰香薰臘燭和小燭台
而您送的禮物有, 一張長長的情人節卡
一個超大的雪豆豆香蕉攬枕
唔好睇少呢個雪豆豆香蕉攬枕, 佢真係有香蕉既甜味
點解會咁既? 訓醒覺個身都香噴噴
也送了一瓶叫 "藍蝶舞精靈" 的日本戀愛香水給我,
有一種很特別甜香和帶清新的味道, 我都唔識點形容
要搵部NDS做對比就知有幾大啦
晚晚訓覺都香噴噴呢
多謝您, 有您陪我過這特別的節日
希望您喜歡這安排和禮物
~~~~~~~~~~~~~~~~~~~~~~~~~~~~~~~~~~~~~~~~~~~~~~
年三十晚行花市, 自己屋企食完再去您屋企食團年飯
由凌晨一點幾行到六點幾, 累到咩咁
好彩都有唔少戰利品
初二同左好多親戚番深圳食烤全羊, 一行十六人
個個飽到嘔都係食左千幾蚊,很便宜~遲d要組團再食過
他是隻羊~但真的很似乳豬
初三去了大埔林村許願樹個度舅父家拜年
那許願樹都唔係電視機成日見到個棵了
之後出旺角食糖水
P.s 愉景灣那裡的部份相片轉載自不眠皇子的Blog
|
